Kuvendi i Shqipërisë voton qeverinë Rama, 77 vota pro dhe 53 kundër

Rreth orës 06:46 Kuvendi i Shqipërisë ka votuar qeverinë “Rama 3”. Programi dhe përbërja e qeverisë “Rama 3” morën 77 vota pro, 53 kundër dhe 1 abstenim.

Sapo kryeministri Edi Rama mori fjalën, deputetët e opozitës u larguan nga salla.

Këto fjalë janë për ata që po ikin. Nuk e kuptoj se si ju që më kërkuat dje të vija, tani që erdha ikni. Dua të tregoj disa fakte që ndryshojnë nga opinionet.

Sot në çadra janë 400 familje dhe e kanë zgjedhur të jetojnë në çadra për shkak të largësisë me qytetin dhe për shkak të afërsisë me tokë dhe me fermën. Për atyre është dhënë bonusi i qerasë. Sot çdo vit rimbursohen 120 milionë dollarë ilaçe.

Buxheti i shtetit jep para që personat të marrin ilaçet. 280 mijë nxënës marrin librat falas ndërsa kur erdhëm ne, nuk merrte asnjë”, tha Rama.

Ai gjatë fjalës së tij për programin e mandatit të tretë tha se është program i tij qeveritar do të realizohet.

Qeveria “Rama 3” përbëhet nga:

1) Edi Rama- Kryeministër;

2) Arben Ahmetaj – Zëvendëskryeministër dhe ministër i Shtetit për Rindërtimin dhe Programin e Reformave;

3)  Olta Xhaçka – Ministër për Evropën dhe Punët e Jashtme;

4)  Niko Peleshi – Ministër i Mbrojtjes;

5)  Bledar Çuçi – Ministër i Brendshëm;

6) Delina Ibrahimaj- Ministër i Financave dhe Ekonomisë;

7)  Belinda Balluku – Ministër i Infrastrukturës dhe Energjisë;

8) Evis Kushi – Ministër i Arsimit dhe Sportit;

9)  Ulsi Manja – Ministër i Drejtësisë;

10) Elva Margariti – Ministër i Kulturës;

11) Frida Krifca – Ministër i Bujqësisë dhe Zhvillimit Rural;

12) Ogerta Manastirliu – Ministër i Shëndetësisë dhe Mbrojtjes Sociale;

13) Mirela Kumbaro Furxhi – Ministër i Turizmit dhe Mjedisit;

14) Elisa Spiropali – Ministër i Shtetit për Marrëdhëniet me Parlamentin;

15) Edona Bilali – Ministër i Shtetit për Mbrojtjen e Sipërmarrjes;

16)  Bora Muzhaqi – Ministër i Shtetit për Rininë dhe Fëmijët;

17)  Milva Ekonomi – Ministër i Shtetit për Standardet e Shërbimeve.

Të 16 emrat e propozuar nga Rama të prirë prej tij do të shkojnë në ditët në vijim për tu betuar në presidencë.