Kamberi uron z.Vjosa Osmani për zgjedhjen e saj për Presidente

Deputeti shqiptar në Parlamentin e Serbisë, Shaip Kamberi një herit edhe kryetarë i Partisë për Veprim Demokratik  ka uruar z.Vjosa Osmani për përzgjedhjen e saj Presidente e Republikës së Kosovës.

Ky është urimi i plotë i z. Kamberi

Uroj Zonjën Vjosa Osmani-Sadriu për zgjedhjen e saj Presidente e Republikës së Kosovës.

Përgëzoj Kryeministrin, Qeverinë dhe deputetët e Kuvendit të Republikës së Kosovës për përmbylljen me sukses të themelimit të institucioneve të reja.

Respekt Lidhjes Demokratike të Kosovës, z.Lumir Abdixhiku, për rolin e tij përcaktues në shmangien e zgjedhjeve të reja dhe për shembullin e dhënë të një opozite shtetndërtuese.

Besoj që Lugina e Preshevës do të jetë një nga prioritetet e institucioneve të Republikës së Kosovës, në funksion të dinamizimit të bashkërendimit me të zgjedhurit e Luginës së Preshevës, për zbatimin e një startegjie, plani dhe programi të përbashkët.