Kurti me Merkelin u pajtuan që Procesi i Berlinit mbetet platforma për bashkëpunim rajonal

Kryeministri i Kosovës, Albin Kurti, ka thënë se në takim me kancelaren gjermane Angela Merkel, ka nënvizuar nevojën për investim në ekonomi dhe arsim.

Përmes një postimi në Twitter, Kurti tha se me Merkelin u pajtuan që Procesi i Berlinit mbetet platforma për bashkëpunim rajonal.

“Në takimin me kancelaren e Gjermanisë, Angela Merkel, nënvizova nevojën për investim në ekonomi dhe në sistemin tonë arsimor për të krijuar vende të reja të punës. U pajtuam se Procesi i Berlinit mbetet paltforma për bashkëpunim rajonal”, ka shkruar Kurti.

 

 

Ndryshe, gjatë të martës, kancelarja gjermane, Angela Merkel, ka zhvilluar një vizitë në Tiranë për të takuar liderët e Ballkanit Perëndimor, ku temë kryesore e diskutimit është Procesi i Berlinit.