Dje nga Mbledhja e Përbashkët e Qeverive Shqipëri-Kosovë, ku përpos nënshkrimit të një sërë marrëveshjesh të rëndësishme ndërqeveritare, u nënshkrua edhe Memorandumi i bashkëpunimit mbi përdorimin e platformës mësimore online “akademi.al” në arsimin parauniversitar nga Ministrja e Arsimit, znj. Evi Kushi dhe Ministri z. Ramë Likaj.

“Akademi.al” është platforma falas e mësimit online edhe për nxënësit e Luginës së Preshevës.

Kjo platformë u jep mundësi nxënësve që të mos humbasin mësimin nëse nuk kanë mundësi të shkojnë në shkollë, por edhe të ripërsërisin mësimet e shkollës në kushte shtëpie.

Në një qasje strategjike për arsimin shqip në Luginë, pas shumë përpjekjeve Këshillit Kombëtar Shqiptar i është lejuar zyrtarisht edhe nga Ministria e Arsimit, Shkencës dhe Zhvillimit Teknologjik të Republikës së Serbisë për nxënësit shqiptar në Luginën e Preshevës që nga marsi i këtij viti.

https://www.rasporednastave.gov.rs/obrazovanje-albanski.php

Thellimi i bashkëpunimit në projekte të ndryshme mes Shqipërisë e Kosovës janë bazë shumë cilësore që i shërben jetësimit të politikave strategjike të përbashkëta edhe për Luginën e Preshevës.

#BashkëPaKufi

Like 0
Më shumë artikuj të ngjashëm
Më shumë nga Wikiliks
Shfaq më shumë në Lajme
Kliko për të Komentuar