Këshilli Kombëtar Shqiptar ka reaguar ashpër rreth mos përdorimit të gjuhës shqipe në tabelat e komunikacionit

Këshilli Kombëtar Shqiptar (KKSH) ka reaguar ashpër rreth mos përdorimit të gjuhës shqipe në tabelat e komunikacionit ku shprehet emërtimi i vendbanimeve shqiptare në Luginën e Preshevës.

Së fundi ka reaguar edhe ndaj Ndërmarrjes Publike “Putevi Srbija” mbi të cilën ngarkohet edhe obligimi për vendosur këto tabela.

KKSH si një institucion që përfaqëson shqiptarët në drejtim të ushtrimit të së drejtës për përdorim zyrtar të gjuhës dhe shkrimit shqip, ka nxjerr vendimin paraprakisht mbi emërtimet tradicionale të vendbanimeve në gjuhën shqipe për komunat: Preshevë, Bujanoc dhe Medvegjë. Gjithashtu, marr parasysh se gjuha shqipe dhe shkrimi i saj është në përdorim zyrtar për komunat e lartcekura është barometër i matjes së përdorimit të gjuhës dhe shkrimit shqip në tabelat e komunikacionit ku shprehet emërtimi i vendbanimeve shqiptare në Luginën e Preshevës.

Vlen të theksohet se nëse organet kompetente nuk ndërmarrin masa për vendosur në tabelat e komunikacionit emërtimin e vendbanimeve shqiptare në Luginën e Preshevës çështjen do ta paraqes edhe para gjykatave kompetente.