Rritet sërish numri i të prekurve me koronavirus në Serbi

Serbia vazhdon të shënojë rritje të numrit të infektuarve me koronavirus.

Në Serbi, saktësisht për tetë orë janë shënuar 11 raste të reja me koronavirus që ka dërguar numrin e përgjithshëm në 83 persona të infektuar, raportojnë mediat serbe, transmeton lajmi.net.

Ministria e Shëndetësisë në Serbi ka bërë të ditur se deri tek raporti më i ri sot në ora 5, janë testuar 47 persona nga të cilët 11 dalë dalë pozitiv dhe 36 negativ për koronavirusin e ri.

Në izolim shtëpiak gjenden katër persona me shfaqje të lehtë të virusit kurse shtatë të tjerë janë ndaluar për trajtim në spital, por janë pa komplikime dhe në gjendje stabile.

Deri sot në ora 8, në Institutin Torlak janë testuar gjithsejtë 421 persona që kanë përmbushur kriteret për t’u konsideruar të dyshuar për koronavirus.