Spahiu: Vuçiq dhe Serbia të përqëndruar ta dobësojnë partinë e Shaip Kamberit

Të ftuar sot në Zona Zero në Top Channel ishin kryetari në detyrë i Këshillit Kombëtar Shqiptar, Regmi Mustafi si dhe politologu Nexhmedin Spahiu të cilët kanë folur për situatën në veri të Kosovës dhe dialogun mes Serbisë dhe Kosovës.

Spahiu dhe Mustafi kanë komentuar ngjarjet e fundit rreth dialogut në mes të Kosovës dhe Serbisë.

Politikologu Nexhmedin Spahiu ndër të tjera ka deklaruar se “Liderët e Luginës duhet që në këtë kohë t’i kordinojnë aktivitetet politike me liderët e Sanxhakut. Këtë e ka bërë deri tani partia që e udhëheq Shaip Kamberi (PVD), prandaj shteti serb dhe Vuçiqi ka qenë i përqëndruar që partinë e Shaip Kamberit dhe të Sulejman Ugljaninit ta dëmton sa ma shumë dhe më vjen keq që elektorati shqiptarë në Luginë nuk e ka kuptuar dhe ka rënë pre i këtyre aktiviteteve të Vuçiqit në Luginë të Preshevës dhe dobësimi i partisë së Shaip Kamberit në kohën e finales së dialogut Kosovë-Serbi shkon në dëm të shqiptarëve të Luginës dhe është interes i Serbisë”.