Të paktën 46 persona u gjetën të vdekur në një kamion të braktisur në Teksas

Të paktën 46 persona janë gjetur të vdekur në një kamion të braktisur në periferi të San Antonio, Teksas.

Një zyrtar i zjarrfikësve tha se 16 persona, përfshirë katër fëmijë, ishin dërguar gjithashtu në spital.

Të mbijetuarit vuanin nga goditja e nxehtësisë dhe lodhja nga nxehtësia.

San Antonio, i cili është 250 kilometra nga kufiri ShBA-Meksikë, është një rrugë kryesore tranziti për kontrabandistët e njerëzve.

Trafikantët e qenieve njerëzore shpesh përdorin kamionë për të transportuar emigrantë pa dokumente, që i takojnë në zona të largëta pasi të kenë arritur të kalojnë në Shtetet e Bashkuara.

“Ata kishin familje…dhe po përpiqeshin të gjenin një jetë më të mirë”, tha kryebashkiaku i San Antonio, Ron Nirenberg. “Nuk është asgjë më pak se një tragjedi e tmerrshme njerëzore”.