Faqja Kryesore Botë 16 persona të lënduar dhe pesë të zhdukur nga shpërthimi i madh në Gjermani

16 persona të lënduar dhe pesë të zhdukur nga shpërthimi i madh në Gjermani

3 Min e Lexuar
0
0
14

Më shumë se 12 persona janë lënduar dhe pesë të tjerë janë zhdukur të martën pas një shpërthimi në një park industrial të fabrikave kimike në qytetin gjerman të Leverkusen.

16 vetë u plagosën për shkak të shpërthimit, duke përfshirë katër “seriozisht”, tha komuna në një deklaratë të lëshuar pas mesditës.

“Pesë persona janë zhdukur,” shtoi ai.

Shpërthimi ndodhi rreth orës 9:30 të mëngjesit të kohës lokale gjermane në një aneks të djegies së mbeturinave në ”Chempark” në Leverkusen, një qytet në rajonin perëndimor të Rhine-Ëestphalia Veriore, raporton euronews.

Shkaku i shpërthimit mbetet i paqartë.

Zyra Federale e Gjermanisë për Mbrojtjen Civile dhe Ndihmën e Fatkeqësive e klasifikoi shpërthimin si “një kërcënim ekstrem”, njoftoi agjencia gjermane e lajmeve dpa.

Komuna tha që aneksi po digjej në orën 12:20 pasdite, duke shpjeguar se “puna e shuarjes duhej të priste derisa një linjë elektrike të shkëputej nga rrjeti”.

“Kjo tani ka ndodhur. Fillon puna e shuarjes”, shtoi ai.

Një brigadë zjarrfikëse nga Këlni, rreth 20 kilometra në jug, është vendosur për të ndihmuar shërbimet lokale të urgjencës, tha komuna, përcjell Klankosova.tv.

Autoritetet u kanë bërë thirrje njerëzve që të mbajnë dritaret dhe dyert të mbyllura dhe të qëndrojnë larg zonës Buerrig ku ndodhet parku.

Disa autostrada janë mbyllur pjesërisht.

Operatorët e ”Chempark” thanë në Tëitter se furgonët për zbulimin e ndotjes ishin vendosur.

Leverkusen është shtëpia e Bayer, një nga kompanitë më të mëdha kimike të Gjermanisë.

Më shumë artikuj të ngjashëm
Më shumë nga Wikiliks
Shfaq më shumë në Botë