Shpërndaj në Facebook Shpërndaj në Twitter Shpërndaj në Google+ Shpërndaj në Reddit Shpërndaj në Pinterest Shpërndaj në Linkedin Shpërndaj në Tumblr Komisioneri i Lartë për Pakica Nacionale i OSBE-së z. Kairat Abdrakhmanov ka qëndruar sot për vizitë në Bujanoc për t’u informuar rreth pozitës së minoritetit shqiptar në këtë komunë. Kryetari z.Nagip Arifi e njoftoi z. Abdrakhmanov rreth situatës së përgjithshme në komunën e Bujanocit, kurse theksi kryesor u vë në shlyerjen nga regjistri civil, i cili është duke u zbatuar në mënyrë selektive dhe të njëanshme. Kryetari Arifi kërkoi nga Komisioneri i Lartë për Pakica Nacionale të ushtrojë ndikimin e tij për ndaljen e këtij lloji diskriminimi. Gjatë takimit u diskutua edhe rreth problemeve të shumta në arsim, si ecuria e Departamentit të Fakulutetit të Ekonomisë, dega e Suboticës, mosnjohja e diplomave nga Univerzitetet e Republikës së Kosovës, dhe mosgatishmëria e shtetit serb për ta implementuar planin 7 pikësh të aprovuar në vitin 2013. Nga ana e Komisionerit të Lartë për Pakica Nacionale u kërkua që të gjitha çështjet që i preokupojnë bashkësinë shqiptare të merren seriozisht dhe të kërkohet zgjidhje në instancat më të larta ndërkombëtare. Like 0
Rama: Nuk pranojmë refugjatë, Shqipëria nuk mund të bëhet moçal “Pas Libisë, edhe Shqipëria refuzon ngritjen e kampeve të emigrantëve”, shkruan e përditshmja gjermane …