Kujtohet 21 vjetori nga protestat studentore

Sot bëhen 21 vjet nga protestat e Lëvizjes Studentore të vitit 1997.

Presidenti i vendit, Hashim Thaçi ka kujtuar sot 21 vjetorin e protestës së studentëve, duke thënë se demonstrata paqësore e studentëve të Universitetit të Prishtinës i dha dinamikë të re zhvillimeve politike në Kosovë.

Kryeministri i vendit, Ramush Haradinaj sot në 21 vjetorin e protestës së studentëve theksoi se më 1 Tetor 1997 u bë kthesa e madhe me protestën masive të rinisë studentore dhe profesorëve universitarë.

Më 1 tetor të këtij viti, ishte Lëvizja Studentore e atëhershme që organizoi protestat, të cilat u organizuan për të kundërshtuar pushtimin e Kosovës nga Serbia dhe kthimin e studentëve në objektet universitare, nga ku studentët ishin dëbuar nga regjimi i Slobodan Millosheviqit në fillim të viteve të 90-ta.

Pos masave të dhunshëm që regjimi kishte vendosur vite më parë në universitet, dëboi studentë e profesorë nga universiteti dhe imponoi plan-programin serb për mësim.

Këto protesta konsiderohen si një ndër aktet më të rëndësishme të asaj kohe. Për të shpërndarë protestën paqësore, policia serbe përdori dhunë ndaj studentëve dhe profesorëve.