Arba Kokalari – shqiptarja e parë që fiton ulëse në Parlamentin Evropian

Shqiptarja Arba Kokalari, e cila jeton në Stokholm të Suedisë ka fituar një ulëse në Parlamentin Evropian.

Lajmin e ka bërë të ditur përmes një njoftimi në Facebook, ministri i Jashtëm i Kosovës, Behgjet Pacolli.

“Tani kemi lajme të mira nga Suedia. Sapo është konfirmuar se Arba Kokalari, me prejardhje shqiptare ka siguruar ulësen e saj në Bruksel. Historike sepse është eurodeputetja e parë shqiptare ndonjëherë. Urime”.

Partia e Kokalarit ka fituar 17.6 % me te cilin rezultat iu garanton katër deputetë.

Arba Kokallari u lind në Tiranë me 27 nëntor 1986.

Ajo ishte mjaft aktive në partinë moderate ku udhëhoqi me rininë dhe departamentin e kulturës në qytetin e Stokholmit.