Sot në Bujanoc u mbajt panairi i tetë ndërkombëtar”Bleta nuk njeh kufi”

Bujanoci sot ishte mikpritës i qindra vizitorëve dhe bletarëve nga vendi dhe rajoni në panairin e tetë ndërkombëtar të bletarëve “Bleta nuk njeh kufi”.

Me sponzorim të komunës së Bujanocit dhe nën organizimin e shoqatave “Polen 2012”, “Nektar” dhe “Apicula”, bletarë nga Serbia, Kosova, Maqedonia e Veriut, Shqipëria e më gjërë u bënë bashkë në Qendrën Sportive “Rinia” në Bujanoc në Panairin tashmë tradicional Ndërkombëtar të Bletarëve.

Kjo është hera e tetë me radhë që organizohet ky panair, kurse komuna e Bujanocit vazhdon të mbështesë financiarisht këtë fushë, e cila ka dhënë rezultatet e veta duke rritur numrin e bletarëve në vend si dhe rritjen e vëllimit të shitjes së mjaltit.