Eksperti i sigurisë, Hajrullah Tërnava, ka thënë se operacioni i sotëm i Policisë së Kosovës në veri ishte mjaft i suksesshëm duke patur parasysh edhe situatën që është në atë pjesë të Kosovën.

Tërnava, në “Dossier D” në RTV Dukagjini ka thënë se kërcënimet e Vuçiqit për luftë pas aksionit të institucioneve kosovare të sigurisë në veri janë farsa politike.

“Ai fort mirë e di se për tërësinë territoriale të Kosovës garanton KFOR-i dhe NATO. Për një sulm ndaj Kosovës, Vuçiq e di çfarë e pret Serbinë. Ata e kanë përjetuar një luftë me NATO-n. Ata prej vitit 1999 asnjëherë nuk kanë provuar t’i thyejnë kufijtë”, tha Tërnava, përcjell Telegrafi.

Eksperti i sigurisë thotë se reagimi i bashkësisë ndërkombëtare ishte i pritshëm pasi ata duan që situata të mbetet stabile në Kosovë.

“Përndryshe edhe ata e kanë të qartë se qëllimi i aksionit ishte lufta ndaj krimit të organizuar, e që ata vet na kanë kushtëzuar që për të shkuar drejt anëtarësimit në BE duhet të luftohet krimi i organizuar”, tha ai.

Tërnava thotë se “askujt nuk i konvenon eskalimi i situatës në veri madje as Serbisë, sepse të gjithë e dinë se na nuk jemi ata që trazojmë situatën atje”.

Like 0
Më shumë artikuj të ngjashëm
Më shumë nga Wikiliks
Shfaq më shumë në Lajme
Kliko për të Komentuar