Kryetari i Komunës së Bujanocit, Shaip Kamberi, gjatë ditës së djeshme ka takuar, kryetarin e Lëvizjes Vetëvendosje, Albin Kurti.
Si temë kyçe takimit në mes të Kamberit dhe Kurtit ka qenë përfshirja e Luginës së Preshevës në dialogun në mes të Kosovës dhe Serbisë, si një mundësi për zgjidhje të qëndrueshme për ketë rajon.
Gjithashtu, në takim është biseduar edhe për aktivizimin e Fondit për Luginë të Preshevës.
“Në takim me kryetarin e Lëvizjes Vetëvendosje, Albin Kurti, pretendent kryesorë për kryeministër të R. Kosovës biseduam për mundësinë e aktivizimit të Fondit për Luginën e Preshevës dhe çështjet jetike për shqiptarët.
Përfshirja e Luginës së Preshevës në dialogun me Beogradin mënyra më e mirë për zgjidhje të qëndrueshme” – ka shkruar Kamberi në facebook.
Takimi I djeshëm në mes të kryetarit të Bujanocit dhe pretedentin kryrsor për kryeministër të Kosovës, u zhvillua në selinë e Lëvizjes Vetëvendosje në Prishtinë./LuginaLajm/
