Kryeministri i Shqipërisë, Edi Rama, sot ka publikuar një hartë në rrjetin social Facebook, në të cilën Kosova është pjesë e Serbisë, shkruan Gazeta Insajderi.

Ai këtë e bëri sot në mëngjes, duke u uruar të gjithë ndjekësve të tij një mëngjes të mirë dhe duke treguar me anë të kësaj harte e investimeve për sigurimin e furnizimit 24 orë me ujë në zonat rurale të vendit.

Por harta e paraqet Kosovën pjesë të Serbisë. Në pjesën lart të Shqipërisë, është Mali i Zi, kurse në pjesën e majtë ku është dashur të jetë Kosova, ajo nuk gjendet fare dhe e gjitha është në territor të Serbisë.

“MIRËMËNGJES

dhe me hartën e investimeve për sigurimin e furnizimit 24 orë me ujë në zonat rurale të vendit nga veriu në jug, ju uroj një ditë të mbarë”, ka shkruar Rama në Facebook, mbi këtë video e cila paraqet edhe këtë hartë skandaloze.

Një hartë e tillë është publikuar edhe më herët nga mediat serbe, pas takimit të Ohrit, i cili bashkoi Edi Ramën, Zoran Zaev dhe Aleksandar Vuciqin, për të folur për Minishengenin Ballkanik.

Like 0
Më shumë artikuj të ngjashëm
Më shumë nga Wikiliks
Shfaq më shumë në Lajme
Kliko për të Komentuar