Vuçiq: Ndalim qarkullimi prej të enjtes në orën 18 deri të shtunën në 5 të mëngjesit

Presidenti i Serbisë Aleksandar Vuçiq ka deklaruar se sot do t’i propozojë Shtabit të Krizës që ndalim qarkullimi gjatë festave të 1 Majit të zgjasë prej të enjtes nga ora 18:00 deri të shtunën në orën 05:00 të mëngjesit.

“Ana Bërnabiq dhe unë do të dalim me propozim që nga ora 18 e sotme të fillojë ndalim qarkullimi dhe të zgjasë deri të shtunën në orën 5 të mëngjesit. Ora policore do të jetë e shkurtë, dyfish më e shkurër prej asaj të paralajmëruar, dhe do të zgjasë 30 e disa orë”, ka thënë Vuçiq për RTS.

Sipas tij, nuk do të ketë ndalesë për pensionistët gjatë kësaj kohe.

“Pensionistët do të kenë dy herë nga një orë kur mund të jenë në rrugë, gjë që është e rëndësishme për ta. Dhe prej të shtunës gjithçka shkon në mënyrë normale, dhe pastaj përsëri ndalesë prej orës 18.

Presidenti i Serbisë ka deklaruar se “nuk përjashton mundësinë” që në fund të javës së ardhshme të shfuqiziohet gjendja emergjente.