Kryetari Ragmi Mustafa dhe stafi i Këshillit Kombëtar Shqiptar pritën në selinë e KKSH-së në Bujanoc kryetarin e Këshillit Kombëtar të Shqiptarëve në Mal të Zi, z. Faik Nika dhe delegacionin e tij.

Gjatë takimit kryetari Mustafa e njoftoi kryetarin Nika për sfidat dhe problemet me të cilat përballen shqiptarët e Luginës së Preshevës.
Nga ana tjetër kryetari Nika falënderoi kryetarin Mustafa dhe stafin e tij për mikpritjen që i bënë këta të fundit.
Pjesëtarët e stafit të KKSH u shprehën të gatshëm për fillimin e një bashkëpunimi në mes të dy Këshillave Kombëtare në fusha të ndryshme që janë kompetenca të këtij institucioni.

Kryetari Ragmi Mustafa potencoi rëndësinë e fillimit të një bashkëveprimi të sinqertë me kryetarin Nika në konsumimin e kompetencave të siguruara me të gjitha konventat ndërkombëtare për të drejtat individuale dhe kolektive.

Like 0
Më shumë artikuj të ngjashëm
Më shumë nga Wikiliks
Shfaq më shumë në Lajme
Kliko për të Komentuar