Rahim Salihi: ” kush fokusohet të shikojë buburrecin nuk do ta shohë asnjëherë elefantin”

Një shpifje allashqiprimçe si kjo

Nëse me të vërtetë do të mundte çdo qytetarë, aktivist partiak apo përfaqësues i një partie politike, qëllimshëm, ku të mrrij e kur të mrrij, t’i fakturonte faktura Komunës së Preshevës atëher kjo flet se si në faktë funksionon Komuna e Preshevës dhe në çfar gjendje është ajo.

Me këtë logjikë i bie që çdo qytetarë i Preshevës mundet të menaxhojë dhe nënshkruaj në emër të Komunës, që aty nuk dihet kush hanë e kush pin, kush shkruan e aq më pak nënshkruan.

Kumtesa e disa minutave më parë e Alternativës për Ndryshim në të cilën thuhet se përfaqësuesit e PVD-së kanë fakturuar një fakturë në llogarinë e Komunës së Preshevës dhe jo në atë partisë është sa mjerane aq edhe e ligë.

Në fotot e publikuara, në të cilën qëllimshëm janë mbuluar të dhënat bazë të Partisë për Veprim Demokratik, shihet qartë vula e partisë krejt në fund. Kjo i bie që llogaria është nënshkruar dhe vulosur në emër të Partisë dhe jo Komunës.

Se pse e njejta fakturë është regjistruar në Regjistrin qëndrorë të fakturave nën shifrën e Komunës së Preshevës dhe jo atë të PVD-së është çështje e restorantit në fjalë dhe jo e PVD-së.

Këtë e dijnë shumë mirë fabrikuesit e kësaj kumtese tendencioze dhe krejtësisht manipulative.

Duke tentuar të njollosin fillimisht të parin e PVD-së e më pastaj edhe të gjitha strukturat e saj për kinse keqpërdorim të buxhetit të Komunës së Preshevës me vlerë prej 3.000 apo 5.000 dinarëve dhe duke u munduar që me kësi shpifje e trillime të hutojnë opinionin publik, Alternativa për Ndryshim dhe Shqiprimi, edhe njëherë dëshmuan se përballë popullit dhe qytetarëve praktikojnë atë metodën ” kush fokusohet të shikojë buburrecin nuk do ta shohë asnjëherë elefantin”.

Fakturat e juaja prej “elefanti” nuk mund t’i paguaj PVD. Ato do të duhet t’i paguani vet. Para popullit dhe qytetarëve.