Ardita Sinani së shpejti do të hapet zyra e KKSH-ës në Preshevë

Kryetarja e Komunës së Preshevës znj.Ardita Sinani ka pritur sot në takim Kryetarin e Këshillit Kombëtar Shqiptar z.Ragmi Mustafa dhe stafin e tijë.

Znj.Sinani është shprehur se ka pritur sot në takim  përfaqësuesit e Këshillit Kombëtar Shqiptar, i kryesuar nga kryetari i saj, z. Ragmi Mustafa.

Realizimi i të drejtave të Shqiptarëve në Luginë kërkon unitet të brendshëm të spektrit politik. Në këtë rrafsh, bashkëpunimi i pushtetit lokal me KKSH si institucion gjithpërfshirës i Shqiptarëve në Luginë është i domosdoshëm.

Madje znj.Sinani premton se nga sot, përfundon praktika e kaluar e anashkalimit të institucionit të KKSH. Nevoja për hapjen e zyrës së KKSH në Preshevë ishte anashkaluar për 4 vite rresht nga kryetari i kaluar. Unë i ofrova mbështetjen time, njëkohësisht duke i premtuar kryetarit të KKSH, z. Ragmi Mustafa që kjo zyrë në një afat shumë të shkurtër do të hapet dhe funksionalizohet.

Si problematika e shlyerjes nga evidenca të Shqiptarëve e poashtu edhe ajo e teksteve mësimore për nxënësit e shkollave tona kërkon bashkërendim të hapave mes pushtetit lokal dhe KKSH, ka shkruar Sinani