Dita e fundit e ‘Afatit kalimtar të janarit 2019’

PSG lidhet me Willianin në ditën e fundit të afatit kalimtar

Me Neymar të vendosur për të kaluar 10 javë jashtë fushave shkaku i lëndimit, PSG ka identifikuar një tjetër brazilian për ta zëvendësuar atë.

Sipas mediumit Daily Mail, Willian i Chelseat ka dalë si një objektiv befasues i ditës së fundit të afatit kalimtar.

Megjithatë, transferimi i tij nuk do të jetë i lehtë pasi Blutë tashmë thuhet se kanë refuzuar oferta deri në 65 milionë euro nga Barcelona për brazilianin.

Willian (Getty Images)

Real Madridi ofron 110 milionë euro për Rashfordin

Real Madridi po planifikon një ofertë prej 110 milionë eurove për sulmuesin e Manchester Unitedit, Marcus Rashford.

Sipas mediumit britanik The Sun, anglezi po vazhdon të diskutojë kushtet e një kontrate të re me Djajtë e Kuq.

Kjo ka inkurajuar gjigantët spanjollë se mund të ulen dhe të bisedojnë me reprezentuesin anglez, i cili këtë vit po shkëlqen nën urdhrat e trajnerit norvegjez, Ole Gunnas Solskjaer.

14 minuta më parë

Giovinco afër zyrtarizimit te Al-Hilal

Sebastian Giovinco thuhet se ka rënë dakord me skuadrën Al-Hilal dhe do të largohet nga Toronto FC pas katër vitesh.

Tashmë ishte sugjeruar pothuajse një javë më parë se italiani ishte në negociata për një kalim në Arabinë Saudite.

Tani thashethemet nga Kanada pretendojnë se marrëveshja është bërë dhe Toronto FC pritet të marrë fitojë rreth 2-3 milionë euro për 32-vjeçarin.

Ozil refuzon huazimin te PSG

Mesfushori i Arsenalit, Mesut Ozil, ka hedhur poshtë një transferim të mundshëm në formë huazimi te Paris Saint-Germain.

Mediumit SZ pretendon se kampionët francezë ishin të interesuar për një marrëveshje të mundshme të huazimit pasi Neymari pritet të jetë jashtë fushave deri në 10 javë pas lëndimit.

Piazon te Chievo

Lucas Piazon prite të prezantohet si lojtar i Chievos gjatë ditës së fundit të afatit kalimtar. Klubi italian dhe Chelsea kanë rëndë dakord për huazim deri në fund të sezonit, besohet se pjesë e marrëveshjes është edhe opsioni i blerjes.  (Burimi: Sky Sport Italia)

Lucas Piazon (Foto: Charles McQuillan/Getty Images/Guliver)

“Messi turk” te LFC?

Besohet se mesfushori i Trabzonsporit, Abdulkadir Omur, është caku kryesor i Liverpoolit në ditën e fundit të afatit kalimtar të janarit. 19-vjeçari cilësohet si “Messi turk”.

Të gjithë pas Upamecanos

Atletico Madridi, Liverpool dhe Manchester Unitedi janë ende disa nga skuadrat që dëshirojnë shërbimet e mbrojtësit Dayot Upamecano. Klauzola e tij e largimit nga RB Leipzig është 100 milionë euro. (Burimi: AS)

Kagawa një mundësi për Monacon

AS Monaco dëshiron huazimin e Shinji Kagawas nga Borussia Dortmundi deri në fundit të sezonit (Burimi: Sky Germany).

Shinji Kagawa (Foto: Dean Mouhtaropoulos/Getty Images/Guliver)

Klubet që kanë shpenzuar më së shumti nga afati kalimtar i verës së 2017

Janssen drejt largimit nga Spurs

Sipas Sky Sport janë duke u zhvilluar bisedime mes Real Betisit dhe Tottenhamit për huazimin e Vincent Janssen, në marrëveshje do të jetë i përfshirë edhe opsioni i blerjes.

Vincent Janssen (Foto: Justin Setterfield/Getty Images/Guliver)

Bony drejt largimin nga Swansea

Sulmuesi i Swansea Cityt, Wilfried Bony, është afër t’i bashkohet klubit nga Katari, Al Arabi. Ai pritet të kalojë si huazim deri në fund të sezonit.

Wilfried Bony gjatë një aksioni kundër Notts County (Foto: Clive Mason/Getty Images/Guliver)

PSG rivalizon Barcelonen për De Ligt

Paris Saint-Germain është duke shpresuar të mposhtin Barcelonën për transferimin e Matthijs de Ligt pasi ditë më parë ata humbën garën për bashkëlojtarin e tij te Ajaxi, Frenkie De Jong.

Lucas Perez drejt largimit nga West Hami

Schalke është në negociata me West Hamin për sulmuesin spanjoll, Lucas Perez. Ideja fillestare sipas BBC është huazim me të drejt blerje.

Lucas Perez (Foto: Clive Rose/Getty Images/Guliver)

Chelsea i vendos çmim Batshuayi

Sipas Guardian klubit të Evertonit i është thënë se duhet të paguajë 40 milionë euro në rast se dëshiron të blejë belgun.

West Hami shfaq interesim për Giroudin

Sipas Daily Mail klubi i West Ham Unitedit e ka pyetur Chelsean për mundësitë e transferimit të Olivier Giroud.

Giroud duke festuar golin ndaj Liverpoolit (Foto: Getty Images/Guliver)

Zyrtare: Carlos Vinicius i bashkohet Monacos

Klubi francez ka transferuar në formë huazimit sulmuesin brazilian të Napolit, Carlos Vinicius.

Pas dështimit me Perisicin, Arsenali kthen sytë kah Yannick Carrasco

Kanë mbetur edhe pak orë deri në përfundim të afatit kalimtar të janarit.

Tashmë disa prej skuadrave evropiane kanë sjell përforcimet e reja, por që në orët e fundit pritet që të shtohet numri i lojtarëve që do të ndryshojnë ambient.

Real Madridi të bindur në transferimin e Hazardit, Kovacici pjesë e negociatave

Real Madridi është i bindur se shumë shpejt mund të arrihet një marrëveshje për transferimin e Eden Hazard.

Milani ende ka shpresë për Carrascon

Raportohet se Milani do të bëjë një ofertë të fundit për të nënshkruar me Yannick Carrascon.