Grenell godet Ramën, Zaevin e Vucicin: Nuk ka ‘Mini-Schengen’ pa Kosovën

Ambasadori  Richard Grenell, i dërguari presidencial amerikan për bisedimet Kosovë – Serbi, ka dërguar mesazhe të qarta kryeministrit të Shqipërisë, Edi Rama, atij të Maqedonisë së Veriut, Zoran Zaev dhe presidentit serb, Aleksandar Vucic, se pa Kosovën nuk ka ‘Mini-Schengen’.

Grenell i ka treguar shumë qartë Ramës, Zaevit dhe Vucicit se pa Kosovën nuk mund të ketë një ‘Mini-Schengen’.

Në një deklaratë të publikuar në faqen e internetit të ambasadës amerikane në Berlin, thuhet se e mirëpresin këtë, por duhet përfshirë Kosova,

“Ne mirëpresim nismën për “mini-Shengenin” e Ballkanit Perëndimor si një mënyrë për të filluar lëvizjen e lirë të njerëzve dhe mallrave. Ne besojmë se që kjo nismë të jetë e suksesshme, ajo duhet të përfshijë të gjithë në rajon, përfshirë qeverinë e Kosovës. Administrata Trump është e përqendruar për të ndihmuar gjithë rajonin të krijojë mundësi ekonomike dhe punë për të rinjtë”, thuhet në deklaratë.

Kujtojmë se ndaj kësaj nisme ka dalur edhe Kosova, ku Presidenti Hashim Thaçi ka thënë se nuk e përkrahim një nismë të tillë dhe se nuk do të marrin pjesë në asnjë takim të tillë