Ilir Sadriu i PDSH: Gjyqi i popullit mbetet shpresa e vetme për ta rikthyer besimin dhe dinjitetin e kësaj shoqërie të përvuajtur që mjerisht u keqpërdor nën petkun e “ndryshimit”.

Nënkryetari i Partisë Demokratike Shqiptare në Preshevë, Ilir Sadriu, npërmjet një postimi në facebook, ka kritikuar paraqitjen  për media të kryetarit të Preshevës, Shqiprim Arifi, ku e ka cilësuar ate se po “bënë një llomotitje viktimizuese dhe shpifëse ndaj kompanive të kontraktuara”

Shpediteri politik i Komunës së Preshevës,pas mungesës dhe strukjes që pati në seancën e Kuvendit të Këshilltarëve Shqiptar të Luginës së Preshevës dhe në kohën kur diaspora po gjendet në vendlindje dhe po sheh shpërputhjen e tij politike por edhe dështimet në projektet infrastrukturore në teren, e të cilat i kishte proklamuar gjatë vizitave të tij nëpër klubet e diasporës , sot u paraqit në konferencë për të mbulu dinamikën e dështimeve të tij të përditshme.

Përkitazi me rrugën e Karposhit, në këtë konferencë ky mishmash, pa fije turpi me llomotitjet e tij viktimizuese dhe shpifëse, tani akuzon kompanitë punëkryerëse dhe implikon partitë e opozitës se po ndikojnë në dinamikën e zhvillimit të këtij projekti, për të cilin e vërteton vet se përveç kaosit asgjë nuk ka zgjidhur, duke e shtuar kështu listën e dështimeve të tij.