Kamberi: 40 punonjësit shëndetësor nga Presheva ose të pranohen në punë ose do paditim drejtorin

Deputeti Kamberi i ka shkruar letra me këtë kërkesë ambasadorëve perëndimor në Beograd si dhe presidentit dhe kryeministres së Serbisë.

Ai sot ka publikuar një vendim të qeverisë serbe me të cilën i rekomandohet drejtorëve të shtëpive të shëndetit në tërë Serbinë që ti pranojnë në punë personelin që u angazhua gjatë pandemisë. Për fat të keq ky vendim i qeverisë nuk po zbatohet vetëm në komunën e Preshevës.

Kamberi ka ftuar të gjithë punëtorët shëndetësor nga Presheva që punuan në pandemi të inicojnë padi ndaj drejtorit serb të shtëpisë së shëndetit në Preshevë dhe për këtë ka ofruar ndihmën e tij dhe të ekipit të tij juridik.

Postimi i Shaip Kamberit

Konkluzioni i dytë i Qeverisë është dëshmi e qartë për diskriminimin që drejtori i Shtëpisë së shëndetit po i bënë kuadrove shqiptare.
Pas konkluzionit të parë të Qeverisë me të cilin urdhërohen drejtuesit e institucioneve shëndetsore të krijojnë vende të përhershme pune për të gjithë të angazhuarit në punë gjatë kohës së pandemisë, Qeveria, në fillim të këtij muaji, ka sjellur edhe konkluzionin e dytë.
Njejtë si herën e parë, edhe kësaj here, Qeveria urdhëron drejtorët e institucioneve shëndetësore të krijojnë vende të përhershme pune për stafin e angazhuar gjatë pandemisë COVID19.
Shtëpia e shëndetit në Preshevë dhe drejtori i sajë, nuk kanë rrespektuar konluzionin e parë të qeverisë me pretekstin se plani kadrovik i këtij institucioni nuk parasheh vende të lira të punës dhe i kanë mohuar të drejtën e punësimit.
Si i tillë, drejtori i shtëpisë së shëndetit në Preshevë, i ka mohuar të drejtën e punës afër 40 të rinjëve nga Presheva.
Megjithatë, në Pikën 2. të Konluzionit të ri të Qeverisë thuhet se pavarësisht numrit dhe strukturës të punësuarve të përcaktuar me Planin kadrovik, institucionet shëndetësore mund të pranojnë kuadër të ri me vendime të përhershme.
Dhe pikërisht ky pasus i Konluzionit të dytë të qeverisë hedhë poshtë arsyetimet e deritanishme të drejtorit të shtëpisë së shëndetit.
Prandaj, ftoj publikisht drejtorin e shtëpisë së shëndetit në Preshevë që të zbatojë konkluzionin e qeverisë dhe të mundësojë punësimin e përhershëm të të gjithë atyre që kanë qenë të angazhuar në punë gjatë kohës së pandemisë COVID19.
Nëse jo, inkurajoj të gjithë të punësuarit e asaj kohe që të ngrisin padi për mohimin e kësaj të drejte dhe të drejtën e punësimit ta fitojnë nëpërmjet gjykatës. Në këtë rast ofrojë edhe asistencën time personale edhe asistencën e ekipit tim.
Ky diskriminim i hapur e i pashoq është i patolerueshëm dhe nuk guxon të kalojë. Prandaj nëse duhet të drejtën duhet kërkuar edhe me padi për diskriminim ndaj drejtorit.