Kamberi: Raporti i KE-së tregon se Serbia është faktor destabizilues në rajon

Deputeti shqiptar në Kuvendin e Serbisë, Shaip Kamberi, ka thënë se Raporti i Progresit, ka treguar se Serbia mbetet faktor destabiziues në ballkanin Përendimor.

“Raporti i sapopublikuar i Progresit i Komisionit Evropian për Serbinë dhe rajonin dëshmon se pushteti aktual i Presidentit Aleksandër Vuçiq nuk ka vullnet politik në njërën anë për demokratizim dhe evropianizim të vendit, e në anën tjetër mbetet faktor destabilizues për rajonin e Ballkanit Perëndimor”, ka shkruar Kamberi.

Sipas tij, KE-ja vë në pah shkeljet në të drejtat fundamentale të njeriut, trajtimit të drejtave të pakicave kombëtare, pasivizimit të adresave, gjuhës së urrejtjes nga zyrtarët e lartë, mungesën e demokracisë gjithëpërfshirëse, lirinë e shprehjes dhe përfshirjen e shqiptarëve në institucione, e deri te gjendja jostabile në Veriun e Kosovës, Bosnje dhe Herzegovinë, Mal të zi; me Serbinë si vektor destabiliteti të tyre.

Të gjitha këto sipas Kamberit flasin më së miri për pushtetin e sotëm në Beograd, ndërsa i ka quajtur inkurajuese harmanozimin e politikave rreth Ballkanit Perëndimor mes SHBA-së dhe BE-së.

“Në anën tjetër, veprim inkurajues është harmonizimi i politikave rreth Ballkanit Perëndimor midis Shteteve të Bashkuara të Amerikës dhe Bashkimit Evropian, të shprehur sot përmes kumtesës së përbashkët të Sekretarit Amerikan të Shtetit, z.Anthony Blinken dhe Përfaqësuesit të BE-së për Politikë të Jashtme, z.Josep Borell”, ka shkruar ai