Kamberi : Serbia duhet të ndjek shembullin e Malit të Zi

Kryetari Kamberi ka deklaruar përmes një postimi në rrjetin social se Serbia duhet që, sipas shembullit të Malit të Zi, të hjekë kushtëzimet nga përdorimi i lirë dhe zyrtar i simboleve kombëtare të pakicave nacionale

Përfundimisht mund të përgëzojmë Kuvendin e Republikës së Malit të Zi për miratimin e “Ligjit për zgjedhjen, përdorimin dhe shfaqjen publike të simboleve kombëtare”, përmes të cilit i garanton pakicave kombëtare të drejtën dhe lirinë e zgjedhjes, përdorimit dhe vendosjes publike të simboleve kombëtare, si dhe shënimin e festave kombëtare, pa kurrëfarë kushtëzimesh.

Angazhimi dhe këmbëngulja e partiteve politike shqiptare në Mal të Zi dhe uniteti për temat të interesit të përbashkët, sollën si rezultat përmirësimin e të drejtave të njeriut dhe të drejtave kombëtare, kulminacionin e së cilës e përbën e drejta e përdorimit të lirë dhe zyrtarë të simbolit kombëtarë- pjesë e identitetit kombëtar.

Përfundimisht autoritet zyrtare të Republikës së Serbisë duhet ta ndjekin shembullin e Malit të zi, dhe të nisin procedurën e ndryshimit të “ Ligjin për mbrojtjen e të drejtave dhe lirive të pakicave kombëtare” duke eliminuar normën kshtëzuesë të alinësë dy në nenin 14 të këtij Ligji i cili pamundëson përdorimin e lirë dhe zyrtarë të simboleve kombëtare.
Edhe pse gjendet në procesin e integrimit në Bashkimin Evropian dhe ka hapur disa kapituj për bashkëbisëdim me BE-në Serbia vazhdon të mbetet i vetmi shtet në rajon që e ndalon ligjërisht përdorimin e ligjshëm të simboleve kombëtare shqiptare, duke mohuar kështy elemente fundamentale të identitetit kombëtar shqiptar.