Kamberi:Përfshirja e pakicave në qeverin e re nuk nënkupton edhe përfshirjen e listës Shqiptare

Kryetari i Partis për Veprim Demokratik dhe një herit deputet në parlamentin e Serbis z.Shaip Kamberi ka reaguar pas deklaratve të djeshme të Presidentit Vuqiç se në qeverin e re do të përfshihen edhe pakicat.

Kamberi ka thën se krijimi i qeverisë së re në Beograd me “pjesmarrje të pakicave” nuk nënkupton përfshirjen edhe të listës së përbashkët të partive shqiptare “Lugina e Bashkuar”. Pak ditë para krijimit të qeverisë së re, mandatarja Ana Brnabiq, nuk ka zhvilluar takime konsultative me listën shqiptare, duke dhënë kështu sinjalin e qartë për mungesë të vullnetit politik që, edhe kësaj radhe, shqiptarët të përfshihen në shumicën parlamentare.

Në këtë rast, në mungesë të një oferte serioze dhe mungesë të vullnetit për të konsideruar shqiptarët partner në zgjidhjen e problemeve me të cilat përballet Lugina e Preshevës, listës shqiptare i mbetet e vetmja rrugë e krijimit të grupit parlamentar opozitar me SDA të Sanxhakut.

Problematika e ngjashme (të drejtat infividuale dhe kolektive) me të cilat përballet popullata e njërit dhe rajonit tjetër, qëndrimet dhe qëllimet e ngashme politike dhe vizioni për të ardhmen e rajonit e bëjnë SDA partner natyral të listës shqiptare me të cilin, shpresoj, do të bëjë grupin e përbashkët opozitar në përbërjen e re të parlamentit në Beograd, duke mbetur i vetmi grup opozitar ndër 250 deputetë sa ka Parlamenti.