Këshilli Kombëtar Shqiptar anulon të gjitha aktivitetet e planifikuara për javën e nëntorit

Kryetari i Këshillit Kombëtar Shqiptar Ragmi Mustafa ka anuluar të gjitha aktivitetet e planifikuara për javën e nëntorit, bën të diturë shërbimi për informim pranë KKSH-ës

Marrë shkas nga rasti tragjik i goditjeve nga tërmetet në Republikën e Shqipërisë , ku kanë humbur jetën mbi 20 persona dhe mbi 600 të tjerë të lënduar dhe ka shkaktuar dëme të mëdha materiale , Këshilli Kombëtar Shqiptar anulon të gjitha aktivitetet e planifikuara për javën e nëntorit, të parapara për festën e flamurit.

Në këto ditë të rënda për vëllezërit tanë nga Durrësi e Thumani, qytetarët e Luginës së Preshevës janë me ta.
Krenarë me të gjithë ata të rinj e të reja nga Lugina e Preshevës , qe kanë filluar vullnetarisht të organizohen për grumbullimin e ndihmave, që të njëjtat t’i dërgohen të prekurve nga tërmeti, që shkaktoi dhimbje të mëdha në Shqipëri, thuhet në njoftimin e KKSH-ës