Këshilli Kombëtar Shqiptar do të hapë së shpejti zyre edhe në Medvegjë

KËSHILLI KOMBËTAR DO TË HAPË ZYRE NË MEDVEGJËN E HARRUAR NGA SHTETI

Kryetari i Këshillit Kombëtar Shqiptar Ragmi Mustafa ka bër të ditur se dje ka realizuar një vizitë në Mevdegjë, ku ka takuar edhe kryetarin e Komunës, z.Nebojsha Arsiq.

Mustafa ka Bashkëbiseduar për një mori temash me të cilat ballafaqohen qytetarët, sidomos çështjet e pasivizimit të vendbanimeve, investimet dhe gjithëpërfshirjen në vendimmarjen e qeverisjes lokale.

Qartë shihet se Medvegja është lënë pasdore nga ana e Qeverisë Republikane, gjë që po ndikon në thellimin e varfërisë, papunësisë dhe pabarazive politike e sociale.

Mustafa ka deklaruar se, Këshilli Kombëtar Shqiptar ka vendosur që të hapë së shpejti zyrën e tij në Medvegjë, jo vetëm për të qenë më afër me shqiptarët e kësaj komune, por edhe si shembull që duhet ndjekur nga ana e institucioneve vendimmarrëse shtetërore, për t’i zgjidhur problemet e shumta politike, sociale, ekonomike, shëndetësore, arsimore etj.

Medvegja kërkon qasje, prani dhe përfshirje të veçantë nga ana e organeve qeveritare të nivelit rajonal dhe republikan. Problemet janë të shumta. Ato nuk mund të zgjidhen vetëm nga pushteti lokal.

Është përgjegjësi e shtetit që të kujdeset për të drejtat dhe për mirëqenien e shtetasve të tij, sidomos të vendbanimeve më të pabarabarta.