Komuna e Bujanocit vazhdon  përkrahjen e ndërmarrjave ndanë subvencione për 73 biznese të vogla

Komisioni për ndarjen e mjeteve stimuluese për zhvillimin e ndërmarrësisë lokale në Komunën e Bujanocit për vitin 2018 – me seli ne teritorin e Komunës së Bujanocit, ka mbajtur mbledhjen me datë; 02.07.2018. në lidhje me thirrjen publike të shpallur më datë 12.02.2018 dhe solli vendim për 73 biznese të vogla, të sapo-themeluara që kanë përfituar përkrahje financiare nga Komuna e Bujanocit.

Komuna e Bujanocit vazhdon  përkrahjen e ndërmarrjave të vogla dhe zhvillimit të qëndrueshëm lokal përmes zvogëlimit të papunësisë dhe fuqizimit ekonomik.

Megjithate, Komisioni për ndarjen e mjeteve stimulese, gjatë ditëve në vijim, pritet të hap edhe një konkurs për bizneset ekzistuese, që për qëllim ka zgjerimin e biznesit dhe punësimin e punëtorëve të rinj.

Vlenë të theksohet se Komuna e Bujanocit për zhvillimin e qëndrueshëm ekonomik për vitin 2018-të, ka ndarë 15 milionë dinarë, shifër e madhe kjo, për një komunë siç është Bujanoci.