Kuvendi i Serbisë heq gjendjen e jashtëzakonshme

Pas një debati disa orësh, Parlamenti republikan i Serbisë me 155 vota pro, ka miratuar heqjen e gjendjes së jashtëzakonshme, e cila erdhi si rezultat nga pandemia COVID-19.

Anëtarët e Parlamentit serb dje kanë votuar për të hequr gjendjen e jashtëzakonshme në Serbi, e cila ka qenë  e vendosur që nga 15 marsi 2020.

Heqja e gjendjes së jashtëzakonshme, në praktikë, nënkupton heqjen e orës polizore dhe ndalimin e lëvizjes, por kjo nuk do të thotë që disa masa të paraqitura gjatë luftës kundër virusit korona nuk do të mbesin në fuqi. Përkundrazi, veçanërisht ato që lidhen me distancimin shoqëror dhe masat e tjera mbrojtëse.