Mourinho: Nuk pësuam nga pikëpamja strategjike, as taktike, por në fund humbëm

Trajneri i Manchester Unitedit, Jose Mourinho, ka thënë që strategjia dhe taktika e lojës ishte të duhurat ndaj Tottenhamit, por që në fund humbën 3-0.

Mourinho pësoi humbjen e tij më të rëndë në shtëpi prej se është trajner te Manchester United.

Tekniku portugez refuzoi të fliste keq për lojtarët e tij pas ndeshjes, duke këmbëngulur se ata nuk pësuan humbje në pikëpamjen taktike, ndërsa i ka lavdëruar edhe tifozët e Manchester Unitedit.

“Nga pikëpamja strategjike ne nuk kemi humbur, as pikëpamja taktike nuk kemi humbur, por kemi humbur”.

“Erdhi goli i tretë dhe e vrau ndeshjen. Ne punuam gjatë gjithë javës, por tifozët tanë nuk lexojnë gazeta, nuk shikojnë televizor, janë më inteligjentë se kaq”.

“Tifozët tanë u përgjigjën në një mënyrë të mrekullueshme”, ka thënë Mourinho për Sky Sport.

Kjo është humbja e dytë e United, pasi javë më parë pësuan edhe nga Brighton & Hove Albion.