Ambasadori amerikan në Beograd Kyle Scott ka deklaruar sot gjatë bisedës me presidentin e Serbisë Aleksandar Vuçiq se është e domosdoshme të gjendet mënyra për të vazhduar dialogu në mes të Serbisë dhe Kosovës.

Është në interes të Serbisë dhe Kosovës por edhe të komunitetit ndërkombëtar të gjendet një zgjidhje, është kumtuar nga kabineti i Vuçiqit.

Vuçiq ka përsëritur se Serbia do të vazhdojë dialogun vetëm me kusht që Kosova t’i tërheqë taksat.

Ai ka theksuar se “me mospërmbushje të kushtit të vetëm nga marrëveshja e Brukselit, e ky është krijimi i asociacionit të komunave me shumicë serbe, me miratimin e Platformës mbi negociata, me krijimin e Ushtrisë së Kosovës dhe futjen e taksave në prodhimet e Serbisë, Prishtina e ka shfuqizuar dialogun”, pretendohet në komunikatë.

Vuçiq ka theksuar se komuniteti ndërkombëtar është dashur më herët të merret me probleme të cilat kanë sjellë deri te ndërprerja e bisedimeve, sidomos me tentime për t’i hequr taksat”, shtohet në komunikatë.

“Nuk jam optimist, mirëpo nëse Prishtina i tërheqë taksat, Serbia do të bisedojë”, ka thënë Vuçiq.

Like 0
Më shumë artikuj të ngjashëm
Më shumë nga Wikiliks
Shfaq më shumë në Lajme
Kliko për të Komentuar