Shtabi republikan në Serbi ka miratuar masa të reja për parandalimin e covid19

Shtabi i republikan për luftimin e pandemisë Covid19, ka miratuar masa të reja sipas të cilave të gjitha objektet përveç atyre ushqimore, pikave të karburantit dhe farmacitë, do të mbyllen nga sot në orën 21:00.

Zoran Gojković, anëtar i Shtabit republikan tha se nxënësit nga klasa e pestë në të tetë të shkollave fillore gjithashtu do të kalojnë në mësim përmes internetit.

Në seancën e Shtabit të krizave, u miratuan masa për fundjavën e ardhshme, sipas të cilave asgjë nuk do të funksionojë të shtunën dhe të dielën përveç shitoreve ushqimore, farmacive, institucioneve shëndetësore, pikave të karburantit, kioskave dhe shpërndarjes së ushqimit.

“Tani kemi një periudhë të një rritje të lehtë të numrit të të infektuarve rishtas, dhe sipas parashikimeve, ky numër do të rritet. Ky numër nuk shprehet në mënyrë eksponenciale. Kjo sigurisht më së shumti është për shkak të faktit se vaksinimi është duke u zhvilluar dhe se numri më i madh i qytetarëve respektojnë masat ”, tha Gojković dhe shtoi se kemi rreth 700,000 qytetarë të cilët janë rivaksinuar.

Gojković shtoi se rezultati i vërtetë i masave mund të shihet vetëm pas dy ose tre javësh.