“Veriu nuk është Krimea”, grafite në Prishtinë pas takimit Thaçi-Putin

Grafite me portretin e presidentit të Republikës së Kosovës, Hashim Thaçi dhe atij të Rusisë, Vladimir Putin me mbishkrimin “Veriu nuk është Krimea”, janë parë në mëngjesin e sotëm në Prishtinë.

Grafitet janë parë rreth qendrës së studentëve dhe fakulteteve.

Ndryshe, në manifestimin e organizuar në shënimin e 100 vjetorit të përfundimit të Luftës së Parë Botërore, në Paris, presidenti i vendit, Hashim Thaçi ka takuar edhe presidentin rus, Vladimir Putin.

Referuar Thaçit, presidenti rus kishte thënë se çfarëdo marrëveshje që arrihet mes Kosovës dhe Serbisë, Rusia e përkrah.

Takimi mes presidentit Thaçi dhe atij rus, Putin ka ngjallur reagime në vend. /Telegrafi/