Thellohet tragjedia, numri i viktimave shkon në 13: Shpëtohen 28

Ka shkuar në 13 numri i të vdekurve në Shqipëri si pasojë e tërmetit që goditi sot vendin.

Një tjetër person i pajetë është nxjerrë pak minuta më parë nga rrënojat e një prej pallateve të shembura në Thumanë.

Është viktima e tretë që regjistrohet në Thumanë, ndërsa personat e tjerë që kanë humbur jetën janë nga Durrësi dhe Kurbini.

Ndërkohë, ekipet e shpëtimit janë shpërndarë në zonat e prekura nga tërmeti me magnitutë 6.5.

28 persona janë shpëtuar nga rrënojat e pallateve në Thumanë dhe Durrës, por raportohet gjithashtu për një numër të konsiderueshëm njerëzish që kanë mbetur të bllokuar në rrënojat e godinave të shembura në këto zona.

Ndërsa numri i të lënduarve është mbi 600 persona .