Komuna e Preshevës ka filluar punimet në rregullimin e shetitores në fshatin Corroticë për rekreacion malor

Duke patur parasysh pyjet halorë të fshatit Corroticë që gjenden në afërsi të fshatit që krijojnë një ambient të veçantë, për dashamirët e natyrës dhe ajrit të pastër, komuna e Preshevës ka inicuar realizimin e projektit të rregullimit të një shtetitoreje në gjatësi prej afro një kilometër.

Lokacioni i kësaj shetitore gjendet në afërsi të terreneve sportive dhe zhvillohet në brendësi të pyllit.

Ky projekt ka për qëllim që banorëve të fshatërave Corroticë, Shoshajë e Poshtme, por dhe banorëve të vendbanimeve tjera të komunës sonë, t’i ofrojë një mundësi rekreacioni, për të kaluar kohën e lirë në ajër të pastër në shetitje në këtë shetitore që e ofrojnë pyjet halore të fshatit Corroticë, ku është përzgjedhur terreni enkas për këtë dedikim.

Së shpejti do të ketë interevenime edhe në avancimin e terreneve sportive të fshatit Corroticë, për t’iu mundësuar të rinjëve infrastrukturë të përshtatshme për t’u marrë me aktivitete sportive.