B92 : Çështja e Luginës së Preshevës të jetë pjesë e dialogut Kosovë – Serbi

Kryetari i Këshillit Kombëtar të Shqiptarëve të Luginës së Preshevës, Ragmi Mustafa, thotë se çështja e shqiptarëve nga kjo pjesë e Serbisë duhet të jetë pjesë e procesit të negociatave.

Mustafa thekson se çështja e Luginës së Preshevës duhet të zgjidhet në bisedime brenda dialogut. “Ne vazhdimisht po kërkojmë që çështja e shqiptarëve të Luginës së Preshevës të ngrihet si pjesë e axhendës së dialogut, ne besojmë se Lugina e Preshevës duhet të jetë një pjesë integrale e zgjidhjes midis dy vendeve,” tha Mustafa.

Mustafa kujtoi deklaratën politike të miratuar më 14 korrik 2018, e cila thotë se “pa zgjidhjen e të drejtave të shqiptarëve në Luginën e Preshevës, nuk mund të ketë normalizim real midis Kosovës dhe Serbisë”.

Sipas tij, shqiptarët nga Lugina e Preshevës votuan për zgjidhjen e këtij problemi në  referendum në vitin 1992, në të cilin ata votuan për bashkimin me Kosovën, shkruan e përditëshmja B92