Vuçiq: është e domosdoshme të arrihet marrëveshja me shqiptarët e Kosovës

Presidenti serb, Aleksandër Vuçiq, ka thënë se është e rëndësishme që të arrihet një marrëveshje më Kosovën, por që nuk është shumë optimist.

Vuçiq në një intervistë për mediumin rus “tass” ka thënë se është e domosdoshme të arrihet marrëveshja me shqiptarët e Kosovës porse aktualisht jemi shumë larg kësaj.

Presidenti serb po ashtu ka shtuar se “zgjidhja finale nuk mund të arrihet pa pjesëmarrje të Rusisë e të SHBA-së”, shkruan B92, transmeton lajmi.net

“Putin ka qëndrimin se çdo gjë që vendos Serbia, do ta përkrahë Rusia. Por unë s’e dua vetëm këtë. Unë dua të këshillohem me të për të parë se çka është më mirë. Dhe për këtë arsye kësaj radhe pjesën më të madhe të bisedimeve do t’ia kushtojmë situatës në Kosovë. Të dëgjoj nga Putin se çfarë ai mendon me fjalët e përkrahjes dhe disa dyshime kur bëhet fjalë për sjelljen e disa faktorëve ndërkombëtarë”,  ka thënë Vuçiq