Në Gjermani pengohet një sulm terrorist

Zyra e Prokurorisë Federale ka kumtuar se ata janë arrestuar për shkak të dyshimit se kanë planifikuar sulm të motivuar me ideologji fetare islamike, transmeton Reuters.

Në komunikatë shtohet se sipas rezultateve preliminare të hetimeve, të dyshuarit ende nuk e kishin zgjedhur cakun e saktë të sulmit.

Në ueb faqen e “Spiegel” është publikuar se irakianët janë arrestuar në orët e hershme të mëngjesit në rrethinën e Ditmarshenit në veri të vendit, transmeton AP.

Zëdhënësja e Prokurorisë Federale Daniela Kiss ka konfirmuar aksionin e arrestimit mirëpo nuk ka dhënë më shumë detaje.

“Spiegel” pretendon se të arrestuarit janë Shain F., Hersh S. dhe Rauf S., për të cilët pretendohet se donin që prej mjeteve piroteknike të krijojnë një mjet shpërthyes, si dhe që detonatorin e kishin porositur nga Britania e Madhe.