Shqiptarët në Zvicër, marsh protestues pas vdekjes së 7-vjeçarit

Pas rastit tragjik që ndodhi dje në Bazel, shqiptarët e Zvicrës kanë paralajmëruar një marsh për ditën e nesërme.

“Njoftohen gjithë shqiptarët e Zvicrën Veri-Perëndimore se  më datën 24.03.2019 nga ora 14:00 do të organizohet një marsh protestues për vogëlushin 7 vjeçar i cili u vra nga një 75 Vjeçare në Bazel”, thuhet në njoftim, nga ku bëhet e ditur se protesta do të bëhet në vendin ku vogëlushi humbi jetën.

Dje rreth orës 13:00 në një rrugë të Bazelit një 75-vjeçare ka therur me thikë një 7-vjeçar që me prejardhje është nga Lipjani.

E njejta, është kapur nga organet e rendit dhe ka pranuar se ka kryer fajin.

Motivet e vrasjes së 7 vjeçarit akoma nuk janë bër të ditura.