Bie akullnaja në Indi, vdesin 14 persona, zhduken 150 të tjerë

Lumenjtë hapën një digë dhe një përmbytje uji u derdh nëpër një luginë në shtetin e Uttarakhand.

Shumica e të zhdukurve besohet të jenë punëtorë nga dy hidrocentrale në zonë.

Qindra trupa, paramilitarë dhe helikopterë ushtarakë janë dërguar në rajon për të ndihmuar në përpjekjet e shpëtimit.

Ekspertët po hetojnë incidentin megjithëse nuk është ende e qartë se çfarë mund të ketë shkaktuar shpërthimin akullnajor. Zyrtarët thonë se 25 njerëz janë shpëtuar deri më tani.

Në një cicërimë në Twitter, të hënën, Kryeministri Indian Narendra Modi tha se po mbikëqyr nga afër situatën në Uttarakhand.

“Kam qenë duke folur vazhdimisht me autoritetet dhe duke marrë informata mbi vendosjen, punën e shpëtimit dhe operacionet e ndihmës”, shkroi ai.