Fajon ‘godet’ Serbinë: Nuk i dua në BE

Anëtarja e Parlamentit Evropian, Tanja Fajon nuk e dëshiron Serbinë të anëtarësuar në Bashkimin Evropian.

“Kjo nuk është Serbia që e dua në Bashkimin Evropianë”, tha Fajon për ‘Radio Evropa e Lirë’.

Ajo beson që duhet të fuqizohet sundimi i ligjit, të mbrojë lirinë e mediave, të promovojë tolerancë dhe të ndalojë gjuhën e urrejtjes.

“Ne e kritikojmë sepse duam më të mirën për Serbinë.”, vazhdoi ajo.

“Ka një hendek të madh midis asaj që Serbia ka arritur në reformat në rrugën e saj drejt BE-së dhe realiteti në atë vend.”, u shprehë politikania sllovene.

Tanja Fajon në fund të intervistës pati një mesazh për pushtetarët e Serbisë.

“Mesazhi për autoritetet është të krijojnë kushte më të mira për respektimin e demokracisë dhe për njerëzit që të shijojnë të gjitha liritë e rëndësishme dhe disa nga vlerat evropiane.”, përfundoi ajo.