Protestuesit i kërkojnë Vuçiqit llogari për Kosovën, pyesin çka është ndryshimi i kufijve

Mijëra qytetarë serbë kanë dalë sot për të protestuar në rrugët e Beogradit kundër presidentit të tyre, Aleksander Vuçiq.

Kjo ishte e shtuna e 22-të me radhë që rrugët e kryeqytetit serb u mbushën me protestues.

Protestuesit e pyetën Vuçiqin se çka nënkupton plani i tij për demarkim të kufirit me Kosovën.

“Cili është plani yt për Kosovën, çka është ky demarkim i kufirit? Njerëzit duhet të dinë se çka është kjo. Me kë e ke ndarë atë plan? Dhe ti përsëri thua: Pasojat do të jenë të tmerrshme? Cilat janë këto pasoja”, u shpreh Branislav Leçiq nga Partia Progresiste serbe.

E kujtojmë se dje, presidenti  serb, Aleksander Vuçiq deklaroi se plani i tij për demarkim të kufirit me Kosovën ka dështuar, shkruan lajmi.net.

Protestat në Serbi po zhvillohen nën moton “Një në pesë milion”, teksa ka pasur raste edhe kur të njëjtat kanë përfunduar me incidente.