‘Djajtë e Kuq’ kërkojnë mrekullinë në Barcelonë

A mundet Manchester Unitedi ta bëjë edhe një tjetër mrekulli në Ligën e Kampionëve.

“Djajtë e Kuq” u rikthyen në mënyrë senzacionale në Paris, por a mund të ndodhë kjo edhe me Barcelonën?

Barcelona është nikoqir i Manchester Unitedit sonte në kuadër të ndeshjes së kthimit në çerekfinalen e Ligës së Kampionëve.

Ndeshja e parë e zhvilluar në “Old Trafford” u mbyll me rezultat 1:0 për katalunasit, ndërkaq edhe sonte favorit shihet skuadra e Ernesto Valverdes.

Barcelona i ka fituar 33 nga 39 ndeshjet e fundit në Ligën e Kampionëve si vendas, teksa lojtari më në formë është Lionel Messi që këtë sezon ka shënuar 43 gola në 41 paraqitje.

Në këtë ndeshje, Barcelona vjen pas barazimit pa gola në Huesca, ku Valverde kishte pushuar futbollistët kryesor të skuadrës, ndërkaq Manchester Unitedi në fundjavë kishte regjistruar fitore 2:1 ndaj West Hamit.

Formacionet e mundshme: