“SHOKË PËR INTERESA” – GRAFITI I DYTË NË PRISHTINË PËR TAKIMIN THAÇI-PUTIN

Dy grafite janë vendosur në Prishtinë, pas takimit të presidentit Thaçi me homologun e tij rus, Vladimir Putin.

“Shokë për interesa”, është kuptimi i grafitit të dytë që është vendosur në Prishtinë, kundrejt grafitit të parë, në të cilin thuhet “Veriu nuk është Krime”.

Me këto grafite, është shpërfaqur paknaqësia përmes artit, për takimin e dy presidentëve.

Grafiti në Prishtinë: “Veriu nuk është Krime”

Grafiti i dytë në Prishtinë: “Shokë për interesa” 

Përtej kësaj, takimin në mes presidentit të Kosovës dhe atij të Rusisë, e kanë komentuar në mënyra të ndryshme edhe politikanët vendorë.

Përderisa, pjesa më e madhe e pozitës e ka përkrahur këtë takim, oponentë të opozitës kanë thënë se Kosova do ta paguajë shtrenjtë takimin e tyre.

Të hënën, pas takimit me Putinin, presidenti Thaci ka thënë se Rusia do ta përkrahë marrëveshjen finale në mes Kosoëvs dhe Serbisë.

“Me presidentin rus Putin, u përqendruam për normalizimin e marrëdhënieve mes Kosovës dhe Serbisë dhe arritjes së një marrëveshjeje gjithëpërfshirëse dhe të detyrueshme. Për këtë temë, Putini ishte i qartë. ‘Nëse ju (Kosova dhe Serbia) arrini marrëveshje paqësore, Rusia do ta mbështesë atë’”, citohet nga Thaçi t’i ketë thënë Putini.