Thaçi: Ngecjet e identifikuara në raportin e Departamentit Amerikan të Shtetit të merren seriozisht

Presidenti i vendit Hashim Thaçi, ka reaguar pas publikimit të raportit nga Departamenti Amerikan i Shtetit për Drejtat e Njeriut për vitin 2018 në Kosovë.

Thaçi shkruan se të gjitha ngecjet që janë identifikuar në këtë raport duhet të merren seriozisht, me theks të veçantë, luftimi i korrupsionit.

“Raporti për të Drejtat e Njeriut në Kosovë për vitin 2018, i publikuar nga Departamenti Amerikan i Shtetit, ka identifikuar shumë përparime në sektorin drejtësisë, por edhe shumë sfida që kemi përpara. I jemi mirënjohës SHBA-së për investimet dhe mbështetjen që i ka dhënë Kosovës në sektorin e drejtësisë.

Të gjitha ngecjet që janë identifikuar në këtë raport duhet të merren seriozisht nga institucionet e Kosovës dhe të punohet me dinamikë më të madhe në përmirësimin e tyre. Ne duhet ta vazhdojmë luftën e pakompromis kundër korrupsionit dhe t’i garantojmë të drejtat e qytetarëve të të gjitha komuniteteve tona, si vlera mbi të cilat e kemi ndërtuar shtetin tonë”, ka shkruar Thaçi