VUÇIQ THOTË SE ENDE NUK KA MARRË ASGJË NGA SHBA-JA PËR KOSOVËN

Presidenti i Serbisë, Aleksandër Vuçiq, nuk ka pranuar që të komentojë shkrimin e mediumit serb ‘Blic’, lidhur me atë se ai ka pranuar një propozim nga SHBA-të, për zgjidhjen e çështjes së Kosovës.

“Unë nuk dua të komentoj për ndonjë nga sugjerimet. Detyra ime është të flas, të përpiqem të gjejë një zgjidhje, por deri më tani nuk kemi marrë ndonjë gjë që është e pranueshme”, ka deklaruar Vuçiq për Blicin serb, raporton Periskopi.

Sipas burimeve të ‘Blic’, thuhet se oferta e fundit që është propozuar nga SHBA-ja është më e mirë, se ofertat paraprake.

Në shkrimin thuhet se ndihmës sekretari i SHBA-ve, Wess Mitchel, ka thënë se nëse Vuçiq nuk e pranon ofertën, do të jetë fundi për të dhe për Serbinë.