Britania e Madhe goditet nga i ftohti ekstrem, temperatura deri në -15 gradë

Pas rënies së temperaturave, i ftohti ekstrem ka mbërthyer Britaninë, ku janë mbyllur rrugët dhe shkollat në pjesën Veri-Perëndimore të Anglisë.

Të paktën 20 shkolla në Merseyside, janë mbyllur gjithashtu gjatë ditës për shkak të kushteve të pafavorshme të motit.

Merseyrail aktivizoi planet e saj të motit të ftohtë të hënën në mbrëmje, përpara një rënie të pritshme të temperaturave gjatë natës dhe shërbimet e para të ditës në secilën linjë u zhvilluan pa pasagjerë, për të kontrolluar kushtet përpara se shërbimet të fillonin si normale.

Në Lancashire, Policia e Rossendale, tha se kushtet ishin “shumë të rrezikshme” për shkak të kushteve të motit dhe ishte marrë vendimi për “mbylljen e rrugës Grane dhe Elton Road në tërësi”.

Një përfaqësues tha për BBC, se nuk dihej “për sa kohë do të mbyllet rruga“, por përditësimet do të jepeshin përmes mediave sociale.

Këshilli Darwen tha se i gjithë ekipi i tij i gërryerjes ishte jashtë nga ora 04:00, duke u siguruar që të gjitha rrugët kryesore të ishin mbuluar.