Një bisedë telefonike mes Jens Stoltenberg dhe kryeministrit Haradinajt ka ndodhur sot gjatë ditës.

Sekretari i NATO-s veç me Haradinajn ka biseduar edhe me presidentin e Serbisë, Aleksandar Vuçiq.

Në një komunikatë për media të lëshuar nga zyra e Stoltenbergut, thuhet se sekretari i NATO-s e ka paralajmërua Haradinajn  për pasojat e krijimit të Ushtrisë, transmeton Insajderi.

“Me Haradinajn diskutuam për transformimin e FSK-së në Ushtri. Theksova se një veprim i tillë është i paarsyeshëm dhe shkon kundër këshillave të NATO-s, dhe gjithashtu mund të ketë pasoja negative në perspektivën evropiane të Kosovës. Kam përsëritur se mandati i Forcave të Sigurisë të Kosovës duhet të evolvojë, dhe NATO duhet të ekzaminojë nivelin e lidhjes sonë me Forcat e Sigurisë së Kosovës”, thuhet në komunikatë.

Sekretari i NATO-s gjithashtu ka kërkuar nga presidenti serb, Vuçiq uljen e tensioneve me Kosovën.

Ka theksuar se marrëveshja finale mes dy vendeve është mënyra e vetme për zgjidhjen e problemeve.

“Gjithashtu kam folur edhe me presidentin Vucic për nevojën e uljes së tensioneve të tanishme. I kam rikujtuar se dialogu është mënyra e vetme për të mbajtur paqen në rajon”, ka thënë ai.

Për bisedën me Stoltenberg foli edhe Haradinaj.

Ai në facebook shkroi se sekretarit të NATO-s ia konfirmoi që Ushtria është vendim i Kosovës, dhe nuk përbën rrezik për askënd.

Ndryshe projekt-ligjet për FSK-në pritet të votohen më 14 dhjetor.

Like 0
Më shumë artikuj të ngjashëm
Më shumë nga Wikiliks
Shfaq më shumë në Lajme
Kliko për të Komentuar